प्रस, रक्सौल, ८ जेठ/
भारतीय स्टेट बैंकको रक्सौलले शाखाले एसडिएम कार्यालय र रक्सौल थानालाई सर्जिकल मास्क र सेनिटाइजर सहयोग गरेको छ ।
बैंकका शाखा प्रबन्धक लक्ष्मी प्रसादले एसडिएम कार्यालयमा एसडिएम आरतीलाई पाँच सय थान सर्जिकल मास्क, ७५ थान सेनिटाइजर सहयोग गरेका थिए ।
यसैगरी, रक्सौल थानाध्यक्ष शशिभूषण ठाकुरलाई पाँच सय सर्जिकल मास्क र पचास थान सेनिटाइजर सहयोग गरेका थिए । कार्यक्रममा डिएसपी सागर कुमार, बिडिओ सन्दीप सौरभ, सिओ विजय कुमार, कार्यपालक दण्डाधिकारी सन्तोषकुमार सिंह, युनिसेफका अनिल कुमार र स्वास्थ्य प्रबन्धक आशिष कुमारलगायतको सहभागिता थियो ।
