प्रस, निजगढ, ४ जेठ/
कलैया उपमहानगरपालिका-७ रङ्गपुरमा दुईजना बालकको घाँटी रेटेर हत्या गरिएको छ ।
स्थानीय अब्दुल अन्सारीका ७ वर्षीय छोरा अमिन अन्सारी र ९ वर्षीय छोरा उस्मान अन्सारीको घाँटी रेटेर हत्या भएको बारा प्रहरीका प्रवक्ता प्रहरी नायब उपरीक्षक गौतम मिश्रले बताए । उनले हत्या गरिएका दुईजना बालक सोमवार राति सात बजेदेखि घरपरिवारको सम्पर्कमा नरहेका र उनीहरू बिहान मृत फेला परेको बताए ।
प्रवक्ता मिश्रले तत्काल हत्याका अरू तथ्य पत्ता लागिनसकेको र प्रहरी अनुसन्धान भइरहेको बताए ।
दुवै बालकको शव स्थानीय एक निर्माणाधीन सल्फिया कन्जुलउलुम मदर्सामा भेटिएको प्रवक्ता मिश्रले
बताए ।
हत्या गरिएका बालकका पिता अब्दुल अन्सारी रोजगारको सिलसिलामा विदेशमा छन् ।
