प्रस, पोखरिया, २१ वैशाख/
पोखरिया नगरपालिकाद्वारा निर्मित प्रहरी भवन आज एक कार्यक्रमबीच हस्तान्तरण गरिएको छ।
पोखरियाका नगरप्रमुख दीपनारायण रौनियारले इलाका प्रहरी कार्यालय, पोखरियाका प्रहरी निरीक्ष्Fक दीपक थापालाई नवनिर्मित प्रहरी भवन हस्तान्तरण गरेका हुन्।
पोखरिया नपा–४ बजार क्षेत्रमा सुरक्षा गस्तीका लागि प्रहरी भवन नगरपालिकाले निर्माण गरेको हो। बजार क्षेत्रभन्दा ५ सय मिटर टाढा रहेको इलाका प्रहरी कार्यालयबाट सेवा प्रवाह गर्दा बेलाबखत समस्या हुने गरेको र बजार क्षेत्रमा चोरीका घटना बढेको कारण सो नियन्त्रणका लागि नगरपालिकाले प्रहरी भवन निर्माण गरेको हो। दुई कोठे प्रहरी भवनमा प्रसनिसहितको तीनजना प्रहरी परिचालन गरिने इप्रका पोखरियाका प्रनि थापाले बताए। हस्तान्तरण कार्यक्रममा उपप्रमुख सलमा खातुन, वडाध्यक्षहरु लक्ष्मण साह कानू, अजय कलवार, बङ्काराउत कुर्मी, रामबाबू चौहानलगायतको सहभागिता थियो।
