सोमवार १०४ जना सङ्क्रमित

प्रस, वीरगंज, २० वैशाख/

                नारायणी अस्पतालको प्रयोगशालाले सोमवार १०४ जना सङ्क्रमित पुष्टि गरेको छ।

                १९२ जनाको स्वाब आइतवार सङ्कलन गरिएको र सोबाट १०४ जना सङ्क्रमित थपिएको अस्पतालका प्रवक्ता डा सरोजरोशन दासले बताए।

                सङ्क्रमित हुनेमा पर्साका ८८, बाराका ११, रौतहटका ३ र सर्लाहीका १ जना छन्। उनीहरूमध्ये ३८ जना महिला र ६६ जना पुरुष रहेका छन्। उनीहरूको सिटी भ्यालू १५.५ देखि ३५.५ सम्म रहेको छ।

                सङ्क्रमितहरू १७ देखि ६९ वर्ष उमेरका छन्।