प्रस, वीरगंज, ५ वैशाख/
जीतपुरसिमरा उपमहानगरपालिका–१० अम्बाटारस्थित नेपाल राष्ट्रिय आधारभूत विद्यालयलाई लायन्स क्लब अफ सिमरा युथले बिजुली जडान गरी १० थान पङ्खा सहयोग गरेको छ ।
क्लबका अध्यक्ष हड्ढल्पित न्यौपानेले आइतवार विद्यालयमा बिजुली जडान गराएर प्रधानाध्यापक सुदामाप्रसाद यादवलाई पङ्खा हस्तान्तरण गरेका थिए । कक्षा पा“चसम्म पठनपाठन हुने नेराविमा साढे तीन सय विद्यार्थी अध्ययनरत छन् । २०४४ सालमा स्थापना भएको विद्यालयमा हालसम्म बिजुली जडान भएको थिएन । बिजुली नभएको कारण टिनको छानो भएको सो विद्यालयका विद्यार्थीहरू गर्मीयाममा पठनपाठनमा निकै समस्या भोग्दै आएका थिए । लायन्स क्लबलाई सो ज्ञात भएपछि नेपाल विद्युत् प्राधिकरण सिमरा वितरण केन्द्रबाट बिजुली जडान गराएर पङ्खासमेत हस्तान्तरण गरेको लायन्स क्लब सिमरा युथका अध्यक्ष न्यौपानेले बताए ।
