प्रस, रौतहट, ७ फागुन/
ट्याक्टर दुर्घटना हुँदा रौतहटमा एकजनाको मृत्यु भएको छ भने ट्याक्टरमा सवार ७ जना घाइते भएका छन्।
मृत्यु हुनेमा ट्याक्टरमा सवार चन्द्रपुर–९ चेतनगर बस्ने ६५ वर्षीया कलावती चौधरी छिन्। घाइतेहरू पनि सबै महिला रहेको प्रहरीले जनाएको छ।
बिहीवार जिल्लाको संग्रामपुरबाट मोथियाही गाउँँतर्फ जाँदै गरेको ना.७त १३२५ नम्बरको ट्याक्टर दुर्घटना भएको थियो। चन्द्रपुर–१० पडहरिया चोकनजीक ट्याक्टर सडकबाट पल्टेर खेतमा खस्दा तल खसेर दुर्घटना हुँदा घाइते भएकी कलावतीको उपचारका लागि चन्द्रपुतर्फ लैजाँदै गर्दा बाटोमैं मृत्यु भएको इलाका प्रहरी कार्यालय चन्द्रनिगाहपुरका प्रहरी नायब उपरीक्षक लीलाराज लामिछानेले जानकारी गराएका छन्।
दुर्घटनामा घाइते अन्य ७ जनाको चन्द्रनिगाहपुर अस्पतालमा उपचार भइरहेको छ।
संग्रामपुरबाट चन्द्रपुर नगरपालिका–६ स्थित मोथियाहीमा विवाहपछि ढोगभेट फुकाउन गएका महिलाहरू दुर्घटनामा परेका हुन्। ट्याक्टर सडकबाट तल पल्टिएर दुर्घटना भए लगत्तै फरार चालकको खोजी भइरहेको प्रहरीले जानकारी दिएको छ। दुर्घटनाको कारण भने खुल्न सकेको छैन।
