प्रस, सिराहा, लहान, १७ माघ/
विद्यार्थीको मनोबल उच्च गराउनका लागि सिराहाको गोलबजार नगरपालिकाले साइकल वितरण गरेको छ। शनिवार आयोजित कार्यक्रममा वडा नं ९ वडा कार्यालयले जनता माध्यमिक विद्यालयमा अध्ययनरत २१ जना छात्रछात्रालाई साइकल प्रदान गरेको हो।
कक्षा ११ मा अध्ययनरत जेहेन्दार दलित छात्रछात्राको मनोबल उकास्न र उच्च शिक्षातर्फ आकर्षण बढाउन साइकल प्रदान गरिएको वडाध्यक्ष रामपुकार कामतीले बताए।
‘सामाजिक सद्भाव र संस्कारिक शिक्षा, छोरीलाई शिक्षा आजको आवश्यकता’ मूल नाराका साथ आयोजिक कार्यक्रममा गोलबजार नगरपालिकाको अनुदान सहयोगमा वडापालिकाले साइकल खरीद गरेर वितरण गरेको जनता माविले जनाएको छ।
