अलौंमा किसानलाई प्रशिक्षण

प्रस, पर्सागढी, २२ कात्तिक/
पायोनीयर कम्पनीले शनिवार वीरगंज महानगरपालिका–१७ अलौंमा पर्सा र बाराका अगुवा किसान भेला गरी प्रशिक्षण दिएको छ।
प्रशिक्षण कार्यक्रम पायोनियर हाइब्रिट पि ३३८८ मकैको बीउ सम्बन्धमा पायोनियर कम्पनीका प्रतिनिधि अनिलकुमार मेहताले प्रशिक्षण दिएका थिए। मकैको उत्पादन र विशेषताबारे सहभागी किसानहरूलाई जानकारी गराइएको थियो। सो अवसरमा पचासजना किसानलाई चार किलोको दरले मकैको बीउ उपहार दिइएको थियो।