प्रस, रक्सौल, ७ फागुन/
रक्सौल थाना प्रभारी कार्यालयअगाडि रहेको सूर्यमन्दिरको पोखरीमा एकजनाको शव फेला परेको छ। बरामद शवको सनाखत हुन सकेको छैन। शुक्रवार एकाबिहानै शव फेला परेको र सोको जानकारी थाना अध्यक्ष सब–इन्स्पेक्टर अभय कुमारलाई गराइएको थियो।
शवलाई झिकेर सोबारे अनुसन्धान भइरहेको सब–इन्स्पेक्टर अभय कुमारले बताए। उनले शवको सनाखत नभए पनि सडक फूटपाथमा भीख मागेर गुजारा गर्ने मानिस भएको र भवितव्यवश पोखरीमा डुबेर मृत्यु भएको हुन सक्ने प्रारम्भिक अनुसन्धानबाट खुलेको बताए। उनले शव शल्यपरीक्षणको लागि मोतीहारी पठाएको र थप अनुसन्धान भइरहेको जानकारी गराए।
