प्रस, वीरगंज, २३ पुस/
वीरगंज महानगरपालिकाले पर्साकी प्रहरी उपरीक्षक गङ्गा पन्तलाई बिहीवार बिदाइ तथा सम्मान गरेको छ।
कार्यक्रममा वीरगंजबाट सरुवा भएकी प्रउ पन्तलाई सम्मान गर्र्दै वीरगंज महानगरपालिकाका प्रमुख विजयकुमार सरावगीले कोभिड–१९ महामारीको बेलामा महानगरसँगको सहकार्यमा नगरवासीको लागि महत्वपूर्ण भूमिका निर्वाह गरेको जिकिर गरेका थिए।
प्रउ पन्तले आइसोलेशन व्यवस्थापन, सामुदायिक परीक्षण, अस्पतालहरूमा सङ्क्रमितलाई पु–याउनेलगायतका कार्यमा सक्रिय भूमिका निर्वाह गरेको पनि नगरप्रमुख सरावगीले स्मरण गरे।
कार्यक्रममा नगरप्रमुख सरावगीले प्रउ पन्तलाई दोसल्ला ओढाएर सम्मानपत्रसहित बिदाइ गरेका थिए।
कार्यक्रममा उपप्रमुख शान्ति कार्की, प्रमुख प्रशासकीय अधिकृत प्रदीपकुमार निरौलालगायतको सहभागिता थियो।
