प्रस, वीरगंज, २२ पुस/
नेकपा ओली समूहको अखिल नेपाल स्वतन्त्र विद्यार्थी युनियन (अनेरास्ववियु) पर्साको भेला वीरगंजमा भएको छ।
भेलाको उद्घाटन गर्दै नेकपा ओली समूहका केन्द्रीय सदस्य एवं पर्सा अध्यक्ष प्रभु हजराले विद्यार्थी पार्टीको मेरुदण्ड भएको र अहिलेको अवस्थामा उनीहरूको भूमिका महत्वपूर्ण हुने बताए।
नेता हजराले वर्तमान परिस्थितिमा विद्यार्थीहरूले नेतृत्वदायी भूमिका निर्वाह गर्नुपर्ने आवश्यकतामाथि जोड दिए।
उद्घाटनसत्रमा अखिलका स्थायी कमिटी सदस्य कनिष पटेल, नेकपाका केन्द्रीय सदस्य राजकुमार गुप्ता, प्रद्युम्न चौहानले पनि विद्यार्थीहरूलाई अहिलेको अवस्थामा सक्रियता देखाउन आग्रह गरे।
अखिलका केन्द्रीय सदस्य सागिर अहमदको अध्यक्ष्Fतामा भएको भेलाले रेयाज अन्सारीलाई पर्सा संयोजकको जिम्मेवारी तोकेको छ।
यसअघि नेकपा एकजुट हुँदा अखिलको पर्सामा ५५ सदस्यीय कमिटी थियो।
