प्रस, पंचगावाँ, २८ मङ्सिर/
पटेर्वासुगौली गाउँपालिका–२ रङ्गपुर टाँडीका उमेश सहनीको सय रुपैयाँको कारण मृत्यु भएको छ।
खाजापसल सञ्चालन गरेका सहनीसँग स्थानीय आनन्द दास थारूले रु सयको उधारो खाजा खाएको र सो माग्ने क्रममा थारूले मङ्सिर २४ गते कुटपिट गरेका थिए। कुटपिटबाट घाइते सहनीको आज उपचारको क्रममा निधन भएको प्रहरीले जनाएको छ।
नारायणी अस्पतालमा उपचार सम्भव नभएपछि उनलाई न्युरो अस्पतालमा भर्ना गरिएको र त्यहाँ उनको मृत्यु भएको प्रहरीले जानकारी गराएको छ। कुटपिट गर्ने थारूलाई जिल्ला प्रहरी कार्यालय, पर्साले पक्राउ गरी कारबाई शुरू गरेको छ।
