प्रस, जीतपुर, ८ चैत/
नेकपा एमाले निकट अखिल नेपाल महिला सङ्घ जीतपुरसिमरा उपमहानगर कमिटीको प्रथम अधिवेशन मङ्गलवार सिमरामा सम्पन्न भएको छ ।
अधिवेशनले अनीता लम्साल अधिकारीको अध्यक्षतामा १०१ सदस्यीय नगर कमिटी सर्वसम्मत चयन गरेको छ ।
अधिवेशनको उद्घाटन समारोहमा नेकपा एमाले केन्द्रीय सदस्य सरस्वतीदेवी चौधरी, एमाले बाराका पूर्वअध्यक्ष देवनारायण चौधरी, उपाध्यक्ष टीना सुवेदी, एमाले बाराका नेता मनोज पौडेल, प्रदेश कमिटी सदस्यहरू किशोर शर्मा, लक्ष्मी नेपाली, चयन गुरूङ, मोबिन आलम, महिला नेत्री कमला घिमिरे, जिल्ला सदस्यहरू अमृतलाल श्रेष्ठ, भोला अधिकारी, भरत घले, तारा कार्की, कासिम हुसेन, देवी सापकोटालगायतले शुभकामना मन्तव्य व्यक्त गरेका थिए ।
उद्घाटन समारोहको सभापतित्व अनिता लम्साल, स्वागत मुना अधिकारी र सहजीकरण रेनु रिमालले गरेका थिए ।
