सिडनी, ४ माघ/सिन्ह्वा
अस्ट्रेलियामा कोभिड–१९ बाट २४ घण्टामा अहिलेसम्मकै सबैभन्दा धेरै नागरिकको मृत्यु भएको बताइएको छ । प्राप्त समाचार अनुसार अस्ट्रेलियामा कोभिड सङ्क्रमणबाट गएको २४ घण्टामा ७४ जनाको ज्यान गएको बताइएको छ ।
अस्ट्रेलियाका अधिकारीहरूका अनुसार कोभिडको कारण एकै दिनमा मृत्यु भएको यो सङ्ख्या यहाँ अहिलेसम्मकै सबैभन्दा धेरै हो । मङ्गलवार त्यसअघिको २४ घण्टामा ती नागरिकको ज्यान गएको बताइएको छ ।
त्यसैगरी, यहाँका अधिकारीहरूले अस्ट्रेलियामा अस्पताल भर्ना हुनेको सङ्ख्या पनि विगतका तुलनामा बढेको पाइएको बताएका छन् ।
यहाँका सबैभन्दा धेरै कोरोना सङ्क्रमित नागरिक न्यू साउथ वेल्सका रहेका छन् । न्यू साउथ वेल्समा गएको २४ घण्टामा ३६ जनाको ज्यान गएको छ । त्यसैगरी, भिक्टोरियामा २२ जना र क्वीन्स्ल्यान्डमा १६ जनाको ज्यान गएको छ । ती राज्यहरूमा पछिल्लो २४ घण्टामा सङ्क्रमित हुनेको सङ्ख्या पनि बढ्दै गएको पाइएको बताइएको छ ।
अस्ट्रेलियामा पछिल्लो समयमा कोभिड सङ्क्रमण बढ्दो देखिएको छ । यहाँ सङ्क्रमित हुनेसँगै अस्पताल भर्ना हुनेको सङ्ख्या पनि बढ्दै गएको यहाँका स्वास्थ्य अधिकारीहरूले जनाएका
छन।
