प्रस, वीरगंज, २४ पुस/
बारा जिल्लाको जीतपुरसिमरा उपमहानगरपालिकाको दुई ठाउँमा शनिवार सम्पन्न रक्तदान कार्यक्रममा १९ जना महिलासहित १५१ जनाले रक्तदान गरेको रक्तसञ्चार केन्द्र, वीरगंजका प्राविधिक प्रमुख सौरभराज पाण्डेले बताए ।
तमुः क्लब अमलेखगंजले आयोजना गरेको रक्तदान कार्यक्रममा १७ जना महिलासहित ७३ जनाले रक्तदान गरेका थिए । सोपी थिङ, रूपेश लामा, विशाल साह, नरबहादुर बल, सूर्य खरेल, सुवास थापा, जीवन अधिकारी, विश्वास साह, नरेश गुरुङलगायतले रक्तदान गरेको प्राविधिक प्रमुख पाण्डेले बताए ।
यसैगरी मेल्वी जोम्सको १४३ औं जन्मदिनको अवसरमा लायन्स र लियो क्लबले जीतपुरसिमराको नितनपुरचोकमा आयोजना गरेको रक्तदान कार्यक्रममा तीनजना महिलासहित ७८ जनाले रक्तदान गरेको केन्द्रका प्राविधिक धीरेन्द्र झाले बताए ।
विकास चौधरी, सञ्जय साह, जीतेन्द्र यादव, अरबाज मियाँ, सोनादेवी साह, रञ्जु पटेल, आरती पटेललगायतले रक्तदान गरेका थिए ।
