प्रस, वीरगंज, २३ पुस/
मानवसेवा आश्रमले बिहीवार बेलुका सडक फूटपाथमा जीवनयापन गर्ने तीनजनाको उद्धार गरेको छ । वीरगंजको घण्टाघर क्षेत्रबाट मानवसेवा आश्रम वीरगंजको टोलीले एकजना युवक, एक/एकजना वृद्धवृद्धा गरी तीनजनाको उद्धार गरेको सानु मानवसेवाले बताइन् । उनले बिहीवार बेलुकी अभियान शुरू गरी तीनजनाको उद्धार गरिएको बताइन् ।
यसअघि पुस २० गतेदेखि शुरू गरिएको यो अभियानमा घण्टाघरबाट एकजना ८० वर्षीय वृद्धको उद्धार गरिएको थियो । मानवसेवा आश्रमको मेची–महाकाली अभियान अन्तर्गत मानवसेवा आश्रम, वीरगंजले साताव्यापी अभियान शुरू गरेको हो । यो अभियान पुस २६ गतेसम्म सञ्चालन हुने सानु मानवसेवाले बताइन् ।
