प्रस, सिराहा, १९ पुस/
पूर्व–पश्चिम राजमार्ग अन्तर्गत सिराहाको मिर्चैया खण्डमा अज्ञात समूहले सोमवार बिहान ट्रकमा आगजनी गरेको छ।
उखु बोकेको ना.४ख १००९ नम्बरको ट्रकमा मिर्चैया नगरपालिका वडा नं ६ बतहा पुलनजीक अज्ञात समूहद्वारा बिहान साढे ५ बजेतिर आगो लगाइएको इलाका प्रहरी कार्यालय, मिर्चैयाले जनाएको छ।
आगजनीबाट ट्रकको अगाडिको भाग जलेको छ। ट्रकमा लगाइएको आगो प्रहरी टोली पुगेर निभाएको इप्रका, मिर्चैयाका प्रमुख तथा प्रहरी नायब उपरीक्षक हरिप्रसाद ओलीले जानकारी दिए।
नचिनेका केही व्यक्तिले सडकमा उभिएर ट्रक रोक्न लगाएको र रोक्ने बित्तिकै आगजनी गरेर फरार भएको सो ट्रकका चालकले बताएका छन्। उक्त घटनाबारे अनुसन्धान भइरहेको प्रहरीले जनाएको छ।
