इस्लामाबाद, १६ पुस/एएनआई
पाकिस्तानको कराँचीमा शुक्रवार सिन्ध पुलिसका सहायक उपनिरीक्षक (एएसआई) सहित दुर्ईजनाको गोली हानी हत्या भएको स्थानीय सञ्चारमाध्यमले जनाएका छन् ।
यो घटना कराँचीको सोल्जर बजार नम्बर २ क्षेत्रमा भएको हो, जियो न्युजले वरिष्ठ प्रहरी उपरीक्षक (एसएसपी) पूर्व, कमर रजा जसकानीलाई उद्धृत गर्दै लेखेको छ ।
पाकिस्तानी प्रकाशनका अनुसार पीडितहरू जावेद बलोच र मोहम्मद मुकाद्दस मोटरसाइकलमा यात्रा गर्दै थिए, जब दुर्ईवटा मोटरसाइकलमा आएका चार संदिग्धहरूले उनीहरूलाई पछ्याएर गोली प्रहार गरेका थिए ।
मृतकहरू लियारीको चकीबारा गाउँँपालिकाका बासिन्दा हुन् । प्रहरीको प्रारम्भिक अनुसन्धान अनुसार गोली प्रहारमा ९ एमएमको पेस्तोल प्रयोग गरिएको थियो । घटनास्थलबाट १३ थान ९ एमएमको पेस्तोल, गोला–बारूद बरामद गरिएको जियो न्युजले जनाएको छ । प्रारम्भिक अनुसन्धानले व्यक्तिगत दुश्मनीका कारण घटना भएको देखाएको छ । रासस
