जेनेभा, १४ पुस/एएफपी
ओमिक्रोनले अझै पनि धेरै उच्च जोखिम खडा गरेको र यसले स्वास्थ्य सेवा प्रणालीलाई ओझेलमा पार्न सक्ने डब्लुएचओले बुधवार चेतावनी दिएको छ । धेरै देशमा अत्यधिक मात्रामा कोरोना भाइरस ओमिक्रोन संस्करणले प्रकोप बढेको जनाएको छ ।
गत हप्तामा विश्वव्यापीरूपमा कोरोना सङ्क्रमण ११ प्रतिशतले बढेको छ । नेदरल्यान्ड्स र स्वीट्जरल्यान्ड ओमिक्रोन भेरियन्टले तनाव भएको छ । ती देशहरूमा विश्व स्वास्थ्य सङ्गठनले सावधानी अपनाउन आग्रह गरेको छ ।
ओमिक्रोनको चिन्ता नयाँ संस्करणसँग सम्बन्धित समग्र जोखिम धेरै उच्च रहेको संयुक्त राष्ट्रसङ्घ स्वास्थ्य एजेन्सीले कोभिड–१९ साप्ताहिक महामारी अपडेटमा जानकारी दिएको छ ।
डब्ल्युएचओले बेलायत, दक्षिण अफ्रिका र डेनमार्कको प्रारम्भिक तथ्याङ्कमा प्रतिव्यक्ति विश्वको तुलनामा सङ्क्रमणकोे उच्च दर रहेको जनाएको छ ।
डेल्टाको तुलनामा ओमिक्रोनको लागि अस्पतालमा भर्ना हुने जोखिम कम भएको भएपनि तर ओमिक्रोनको गम्भीरता बुझ्न थप डाटा आवश्यक रहेको जनाइएको छ । ती अध्ययनहरूको बावजूद ओमिक्रोनको द्रुत वृद्धिले “अझै पनि ठूलो सङ्ख्यामा अस्पताल भर्ना हुने, विशेषगरी खोप नभएका समूहहरूमा, र स्वास्थ्य प्रणालीमा व्यापक अवरोध ल्याउने जनाइएको छ ।
फ्रान्समा युरोपकै हालसम्मकै सर्वाधिक उच्च एक लाख ८० हजारजनामा नयाँ कोभिड–१९ सङ्क्रमण पुष्टि भएको छ । युरोपका सबै देशले ओमिक्रोन भेरियन्ट नियन्त्रण गर्न सङ्घर्ष गरिरहेका छन् । इटली, ग्रीस, पोर्चुगल र इङ्गल्यान्ड सबैमा उच्च सङ््ख्यामा सङ्क्रमणहरू पुष्टि भएका छन् । क्रिसमसका कारण परीक्षणका परिणामहरू आउन ढिलो हुनुलाई आँकडा बढ्नुको आंशिक कारण मानिएको छ ।
विश्व स्वास्थ्य सङ्गठनले युरोपमा बढ्दो सङ्क्रमणले स्वास्थ्य प्रणालीमा थेग्नै नसक्ने किसिमको चाप उत्पन्न गराउन सक्ने चेतावनी दिएको छ । मङ्गलवार फ्रान्समा एक लाख ७९ हजारभन्दा बढीमा सङ्क्रमण पुष्टि भएको थियो । सङ्क्रमित सङ्ख्यामा कीर्तिमान कायम गर्नेमा फ्रान्ससहित इटली, ग्रीस, पोर्चुगल र इङ्गल्यान्ड पनि छन् ।
चाडपर्वलगत्तै आइरहेको बढ्दो सङ्क्रमणको विवरण तीव्र गतिमा फैलिने ओमिक्रोन भेरियन्टका कारण निम्तिएको ठानिन्छ । अध्ययनहरूले डेल्टाभन्दा ओमिक्रोन भेरियन्ट कमजोर रहेको र त्यसका कारण अस्पताल भर्ना हुनुपर्ने अवस्था ३० देखि ७० प्रतिशत कम हुने देखाएको छ ।
इटलीमा सङ्क्रमितको सङ्ख्या ७८ हजार नाघेको छ, जुन महामारीयताकै उच्च हो । त्यहाँ २०२ जनाको मृत्यु भएसँगै हालसम्म ज्यान गुमाउनेको सङ्ख्या एक लाख ३६ हजार ७५३ पुगेको छ । पोर्चुगलमा सङ्क्रमितको नयाँ कुल सङ्ख्या मङ्गलवार १७ हजार १७२ पुगेको छ ।
ग्रीसमा २१ हजार ६७५ वटा सङ्क्रमणका घटना पुष्टि भएपछि त्यहाँका स्वास्थ्यमन्त्रीले शान्त रहन अनुरोध गरेका छन् । साइप्रसमा दुई हजार २४१ नयाँ सङ्क्रमणका घटना पुष्टि भएको छ, जुन एक दिनको सर्वाधिक उच्च सङ्ख्या हो ।
यसैबीच, इङ्गल्यान्डमा कीर्तिमानी सङ्क्रमणका विवरण स्वास्थ्य अधिकारीहरूले दिएका छन् । क्रिसमसका कारण बेलायतभरिको तथ्याङ्क भने आएको छैन । रासस
