निश्शुल्क फलफूलका बिरुवा वितरण

प्रस, सेढवा, २२ मङ्सिर /

जीराभवानी गाउँपालिका वडा नं २, सेढवामा सर्वसाधारणलाई निश्शुल्क फलफूलका बिरुवा वितरण गरिएको छ । वडा नं २ का अध्यक्ष महादेव महतो थारूले प्रतिपरिवार तीनदेखि पाँचवटा फलफूलका बिरुवा प्रदान गरेका थिए ।

फलफूलको आवश्यकता पूरा गर्न तथा पर्यावरण संरक्षणको लागि बिरुवा रोप्न निश्शुल्क वितरण गरिएको वडाध्यक्ष थारूले बताए । आँप, लिच्ची, जामुन, अमलालगायतका एक हजार २०० बिरुवा वितरण गरिएको वडाध्यक्ष थारूले बताए ।