बेइजिङ, चीन, १० मङ्सिर/एएनआई
चीनले बिहीवार अमेरिकी पक्षलाई एशिया–प्रशान्त क्षेत्रमा नजीकको जासुसी, हस्तक्षेप, उत्तेजना र बल प्रदर्शन लगायतका कार्यहरू बन्द गर्न आग्रह गरेको छ ।
चिनियाँ रक्षा मन्त्रालयका प्रवक्ता वरिष्ठ कर्नेल वु छियानले युएसएस कनेक्टिकट आणविक पनडुब्बी झडपसम्बन्धी अधिकारीहरूलाई जवाफदेही बनाउन, टकराव कम गर्न र अमेरिकी सेनाको कारबाईबारे पत्रकार सम्मेलनमा सोधिएको आधिकारिक प्रतिक्रियाका रूपमा उक्त टिप्पणी गरेका हुन् ।
वूले भने, “टकराव भएको बेलादेखि अमेरिकी पक्षको अप्ठ्यारो र गोप्य मनोवृत्तिले अन्तर्राष्ट्रिय समुदायमा अनिवार्यरूपमा शङ्का उत्पन्न गरेको छ । ूअमेरिकी पक्षले तीनवटा प्रश्नको स्पष्ट जवाफ दिनुपर्छ ।”
पहिलो, अमेरिकी पनडुब्बीको नेभिगेशनको उद्देश्य के हो ? दोस्रो, टक्करको सही स्थान के हो ? अन्तमा, यसले आणविक चुहावट वा समुद्री वातावरणीय प्रदूषण निम्त्यायो कि निम्त्याएन ? आधिकारिक चिनियाँ सैन्य समाचार मिडिया केन्द्रले उल्लेख गरेको छ ।
चीनले यस घटनाको मूल कारण एशिया–प्रशान्त क्षेत्रमा अमेरिकी सैन्य जहाजहरूद्वारा गरिएको व्यापक र उच्च–तीव्रताको नजीकको जासुसी, हस्तक्षेप, उक्साहट र बल प्रदर्शनका साथै अमेरिकी सैन्यकरण हो भन्ने विश्वास गरेको वूले टिप्पणी गरेका छन् । हामी अमेरिकी पक्षलाई त्यस्ता गतिविधिहरू तुरुन्तै बन्द गर्न आग्रह गर्दछौं, ताकि पर्खालमा आफ्नो टाउको नठोकियोस्, वुले भने ।
ताइवानको एयर डिफेन्स इन्टिग्रेशन जोन (ब्म्क्ष्श्) मा चिनियाँ सेनाको घूसपैठलाई लिएर अमेरिका र चीनबीच बढ्दो तनावको बीचमा यो दुर्घटना भएको हो । संयुक्त राज्य अमेरिका र यसका सहयोगीहरूले क्यारियर स्ट्राइक गु्रप २१ भनेर चिनिने यस क्षेत्रमा बलको एक प्रमुख बहुराष्ट्रिय प्रदर्शन गरिरहँदा कनेक्टिकट दक्षिण चीन सागरको वरपरको पानीमा सक्रिय रहेको सञ्चारमाध्यमहरूले जनाएका छन् । रासस
