प्रस, वीरगंज, २८ कात्तिक/
बारामा तीनजना सवार मोटरसाइकल कोल्हवी नगरपालिकाको बटौलिया चोकमा दुर्घटनाग्रस्त हँुदा मोटरसाइकल चालकसहित दुईजनाको मृत्यु भएको छ भने एकजना गम्भीर घाइते भएका छन् ।
कोल्हवी नपा–१ बटौलिया चोकमा शनिवार गएराति ८ः३० बजेतिर ना.४२प ८०२३ नम्बरको मोटरसाइकल अनियन्त्रित भई स्वास्थ्य चौकी भवनमा ठोक्किएर दुर्घटना भएको प्रहरीले जनाएको छ ।
दुर्घटनामा परी मोटरसाइकल चालक कोल्हवी नपा–१ कै २० वर्षीय सागर चौधरी र मोटरसाइकलमा सवार त्यही टोलका १९ वर्षीय मदन चौधरीको मृत्यु भएको थियो ।
ठक्करपछि थप उपचारको लागि वीरगंजको नारायणी अस्पतालमा ल्याउँदा राति १०ः३० बजे उनीहरूको मृत्यु भएको बारा प्रहरी प्रवक्ता एवं प्रहरी नायब उपरीक्षक गौतम मिश्रले जानकारी दिए।
दुर्घटनामा परी मोटरसाइकलमा सवार कोल्हवी, श्रीपुरका २० वर्षीय अशोक चौधरी घाइते भएका छन् । उनको वीरगंजस्थित नारायणी अस्पतालमा उपचार भइरहेको छ ।
