प्रस, वीरगंज, २१ कात्तिक/
वीरगंज महानगर–१४ पिपरा सडकमा सवारी दुर्घटना हुँदा सातजना घाइते भएका छन्।
शनिवार दुईवटा गाडी एकआपसमा ठोकिंदा निजी कारमा सवार ३५ वर्षीया सुगन्धीदेवी गुप्ता र डा श्वेता गुप्ता सख्त घाइते भएको वडा प्रहरी कार्यालय श्रीपुरले जनाएको छ। घाइते सातैजनाको उपचार वीरगंज हेल्थकेयरमा भइरहेको छ। जिल्ला स्वास्थ्य कार्यालय अगाडि दुर्घटना भएको थियो।
बागमती प्रदेश नं. को कार र वीरगंज–पथलैया चल्ने म्याजिक भ्यान ठोकिंदा दुर्घटना भएको थियो। दुर्घटनामा बारा बुनियाद निवासी चालक शुभराम मण्डल, परवानीपुरकी आसमुनी खातुन, सुभाष पटेल, भारत, बेतिया निवासी साक्षीक कुमारी, हसमुद्दीन अन्सारी रहेका छन्। सख्त घाइते दुईजना महिलालाई शनिवार नै थप उपचारको लागि हेलिकप्टरबाट काठमाडौं लगिएको छ। भाइटीका लगाउन जीतपुर जाने क्रममा दुर्घटना भएको थियो।
