प्रस, वीरगंज, २१ कात्तिक/
पकाहामैनपुर गाउँपालिका–१ धोरेमा छठको अवसरमा झन्डी मेला र कुश्ती प्रतियोगिता कात्तिक २५ गते हुने भएको छ। लामो समयदेखि यहाँ छठ समापन हुने दिन झन्डी मेला र कुश्ती प्रतियोगिता हुँदै आएको छ। यसपटक पनि कात्तिक २५ गते बिहीवार छठको बिहानीघाटको दिन झन्डी मेला र कुश्ती प्रतियोगिता आयोजना गरिने गापा अध्यक्ष विजय चौरसियाले बताए।
सो कार्यको लागि आइतवार सुरेश मेहताको अध्यक्षतामा मेला समिति गठन भएको छ। कुश्ती प्रतियोगितामा भारत र नेपालका परिचित पहलवानहरूलाई आमन्त्रण गरिएको र उनीहरूको सहभागितामा रोमाञ्चकारी कुश्ती प्रतियोगिता हुने गापा प्रमुख चौरसियाले बताए।
