प्रस, पचगावाँ, १५कात्तिक/
पटेर्वासुगौली गाउँपालिका–५ नेपाल राष्ट्रिय माध्यमिक विद्यालय निचुटामा नेपाल राष्ट्रिय शिक्षक सङ्गठन गाउँपालिका एकाइ कमिटीको आयोजनामा दोस्रो गाउँ अधिवेशन सम्पन्न भएको छ । नेपाल शिक्षक सङ्गठन पालिका एकाइ समिति संयोजक गोपाल प्रसादको अध्यक्षता भएको कार्यक्रमको उद्घाटन पटेर्वासुगौली गापा प्रमुख हरिनारायण चौधरीले गरेका थिए ।
प्रमुख अतिथि चौधरीले समग्रमा शिक्षा क्षेत्र बलियो बनाउन शिक्षकहरूको महŒवपूर्ण भूमिका हुने बताए । सबैको सहयोग भए पटेर्वासुगौलीलाई शैक्षिक क्षेत्रमा अन्य पालिकाको तुलनामा नमूना बनाउनेतर्फ पहल गर्ने आश्वासन दिए ।
नेपाल शिक्षक सङ्गठन पर्साको अध्यक्ष शिवनाथप्रसाद थारू, प्रमुख प्रशासकीय अधिकृत सन्देशकुमार यादव, वडाध्यक्ष फरमान मियाँ अन्सारी, मोतीलाल साह, स्थानीय पत्रकार चिरञ्जीवी यादवलगायतले कार्यक्रम सफलताको लागि शुभकामना दिएका थिए ।
अधिवेशनले गोपाल प्रसादको अध्यक्षतामा १८ सदस्यीय समिति गठन गरेको छ । समितिकी महिला उपाध्यक्ष सीता नेपाल, अर्का उपाध्यक्ष भागीरथ यादव, सचिव मनोहर गौरो, कोषाध्यक्ष सीता अधिकारीलगायत सदस्यहरू छन् ।
