प्रस, पोखरिया, ११ कात्तिक/
पोखरिया युवा क्लबको आयोजना र किरण आँखा अस्पतालको प्राविधिक सहयोगमा बिहीवार पोखरिया नगरपालिका–३ वसन्तपुरमा निश्शुल्क आँखा शिविर सम्पन्न भएको छ ।
दीपावली र छठ पर्वको अवसरमा पोखरिया युवा क्लबले आयोजना गरेको निश्शुल्क आँखा शिविरमा २५६ जनाको आँखा परीक्षण गरिएकोमा १५६ जनामा मोतीबिन्दुको समस्या देखिएको थियो ।
किरण आँखा अस्पतालका डा पूजा चौधरी, कमलेश, रामबाबू चौरसियाको टीमले आँखा परीक्षण गरेको थियो । गर्मीयाममा धूलो, धूवाँ र वायु प्रदूषणबाट आँखामा समस्या हुने भएकोले शिविर आयोजना गरिएको क्लबका अध्यक्ष अफरोज आलमले बताए ।
