प्रस, वीरगंज, २३ असोज/
ब्राह््मण समाज नेपाल, पर्साले बडादशैंको उपलक्ष्यमा शुभकामना आदानप्रदान कार्यक्रम गरेको छ ।
वीरगंज महानगरपालिकाको रानीघाटस्थित श्री रामजानकी मन्दिर धर्मशालामा समाजका अध्यक्ष हरिनारायण मिश्रको अध्यक्षतामा भएको कार्यक्रममा प्रमोदकुमार पाण्डेले संस्कृतमा तयार पारेको कविता वाचन गरेर शुभकामना व्यक्त गरेका थिए ।
कार्यक्रममा पण्डित पुरुषोत्तम दुबेले दशैंको महŒव तथा देवी भगवतीको उत्पत्तिबारे वर्णन गरेका थिए ।
डा सुरेन्द्रनाथ तिवारीले असत्यमाथि सत्यको विजयी दिवसको रूपमा पुरातनकालदेखि दशैंंको महŒव रहेको चर्चा गरे । घनश्याम सापकोटाले भोजपुरी कविता वाचन गरी शुभकामना व्यक्त गरे । सचिव बृजमोहन तिवारीको सहजीकरणमा सम्पन्न कार्यक्रममा श्यामकिशोर तिवारीले स्वागत मन्तव्य व्यक्त गरेका थिए ।
कार्यक्रममा देवनाथ उपाध्याय, लक्ष्मीकान्त तिवारी, नरेन्द्र तिवारी, डा आनन्द द्विवेदी, बिन्दा मिश्र, ललन द्विवेदी, शत्रुघ्न तिवारीलगायतको सहभागिता थियो ।
