प्रस, रौतहट, ५ असोज/
इलाका प्रहरी कार्यालय चन्द्रनिगाहपुरबाट खटिएको प्रहरी टोलीले सालको गोलिया काठ बरामद गरेको छ ।
गस्तीका क्रममा चन्द्रपुर–५ चाँदी खोलानजीकै तीनवटा सालका गोलिया बरामद भएको प्रहरीले जनाएको छ ।
७/८ जना मिलेर जङ्गलबाट अवैधरूपमा सालको काँचो रूख काटेर गोलिया बनाइ तीनवटा साइकलमा ल्याउँदै गरेको अवस्थामा चारवटा गोलिया बरामद भएको प्रहरीको भनाइ छ ।
प्रहरी टोलीलाई देख्ना साथ साइकल र काठ छाडेर उनीहरू फरार भएको अवस्थामा जम्मा २५ क्यूफिट काठ बरामद गरी आवश्यक कारबाईका लागि सबडिभिजन वन कार्यालय चन्द्रनिगाहपुर पठाइएको इलाका प्रहरी कार्यालय चन्द्रनिगाहपुरले जनाएको छ ।
