लन्डन, २१ भदौ/सिन्ह्वा
आइतवार बेलायतमा एकै दिन कोरोना भाइरसका ३७ हजारभन्दा बढी सङ्क्रमित फेला परेका छन् । केही दिनपछि यहाँ सङ्क्रमित थपिने क्रम बढ्दै गएको छ ।
यहाँ गएको २४ घण्टामा ३७ हजार ११ जना कोरोना भाइरसका नयाँ सङ्क्रमित थपिएको बताइएको छ । योसमेत गरी यहाँ ६९ लाख ७८ हजार ६२ जना सङ्क्रमित पुगेका छन् ।
त्यसैगरी, यहाँ गएको २४ घण्टामा ६८ जनाको कोरोनाकै कारण निधन भएको छ । यहाँ पछिल्ला केही हप्तामा सङ्क्रमितहरू थपिने र निधन हुनेको सङ्ख्या पनि बढेको बताइएको छ ।
यहाँ यो भाइरसबाट एक लाख ३३ हजार २२९ जनाको निधन भइसकेको छ ।
यहाँ पछिल्लो समयमा लकडाउन खुला गरिएकोले पनि भाइरसको सङ्क्रमण बढ्दै गएको पाइएको छ । रासस
