प्रस, पर्सागढी, १९ भदौ/
नेपाल रेडक्रस सोसाइटीको ५९औं स्थापना दिवस पर्सा जिल्लामा पनि विविध कार्यक्रम गरी मनाइएको छ ।
कार्यक्रममा नेरेसो पर्साका सभापति वीरेन्द्रराज कँडेलले झन्डोत्तोलन गरेका थिए ।
सो अवसरमा उनले रेडक्रसका जन्मदाता हेनरी ड्युनाको तस्वीरमा फूलमाला र अबिर चढाएका थिए । यसैगरी, दिवसको उपलक्ष्यमा लक्ष्मीनारायण मन्दिरमा वृक्षारोपण गरिएको थियो । माईस्थान उपशाखाले निश्शुल्क स्वास्थ्य शिविर सञ्चालन गरेको थियो ।
नगरप्रमुख विजयकुमार सरावगीले रक्तचाप परीक्षण गरेर शिविरको उद्घाटन गरेका थिए । उपशाखा सभापति मदनप्रसाद गुप्ताको अध्यक्षतामा भएको कार्यक्रममा जिल्ला सभापति कँडेल, प्रदेश अध्यक्ष फूलमहमद मियाँले शुभकामना व्यक्त गरेका थिए ।
यसैगरी, दिवसको अवसरमा पर्सागढी नगरपालिकामा वृक्षारोपण गरिएको छ । उपशाखा सभापति मोहमद जिक्रुल्लाहको अध्यक्षतामा भएको कार्यक्रममा उदयनारायण गौरो, आकृति गौरो, सुमन चौधरीलगायतको सहभागिता थियो ।
