प्रस, रौतहट, २५ साउन/
तीर्थयात्री बोकेको जीत दुर्घटना हुँदा एकजनाको मृत्यु भएको छ । चन्द्रपुर नगरपालिका–१ नूनथरमा सोमवार बिहान बोलेरो पिकअप गाडी बागमती सिंचाइको नहरमा दुर्घटनाग्रस्त भएको थियो ।
बारा, महागढीमाई नगरपालिकाबाट बोलबमका तीर्थालु बोकेर नूनथरनजीक बागमती नदीबाट जल बोक्न आएको ना. ५च ३१६६ नम्बरको गाडी सडकभन्दा ५० मिटर तल नहरमा खसेको प्रहरीले जनाएको छ ।
दुर्घटनामा एकजना तीर्थालुको मृत्यु भएको छ भने पाँचजना घाइते भएका छन् । बिहान ४ बजे भएको दुर्घटनामा परेर बारा गढीमाईकी ४५ वर्षीया मीनादेवी कोइरीको मृत्यु भएको इलाका प्रहरी कार्यालय चन्द्रपुरले जनाएको छ ।
दुर्घटनामा परेकी एकजना महिला हराइरहेकी छन् भने पाँचजना घाइतेलाई उपचारका लागि चन्द्रपुर पठाएको प्रहरीले जनाएको छ ।
