प्रस, बिरुवागुठी, १७ साउन/
पर्सागढी नगरपालिका अन्तर्गतका विद्यालयमा मावि तहको कक्षा ११ को परीक्षा शुरू भएको छ ।
आइतवारदेखि देशव्यापीरूपमा शुरू भएको यो परीक्ष्Fा पर्सागढीमा पनि स्वास्थ्य मापदण्डको पालना गर्दै शुरू भएको छ । नगरपालिका अन्तर्गत तीनवटा माविमा कक्षा ११ को परीक्षा शुरू भएको हो । आज पहिलो दिन अङ्ग्रेजी विषयको परीक्षा सम्पन्न भएको नेरामावि बर्वाटाँडीका प्रअ रामबहादुर चौधरीले बताए ।
पर्सागढी नपा अन्तर्गत जनता मावि पकडिया बडनिहारमा १२९ जना, नेरामावि बर्वाटाँडीमा ३८ जना र नेरामावि बडेर्वामा ८२ जना विद्यार्थी परीक्षामा सहभागी भएका थिए ।
कोरोना सङ्क्रमणको कारण यस वर्ष सरकारले विद्यार्थी अध्ययनरत विद्यालयलाई परीक्षा केन्द्र तोकेर परीक्षा लिंदैछ ।
