बगदाद, १६ साउन/सिन्ह्वा
इराकको राजधानी बगदादबाट उत्तरी क्षेत्रमा अतिवादी आइएसले मलामी गएका व्यक्तिमाथि बम आक्रममण गरेका छन् । इराकको उत्तरी क्षेत्र यात्रिब नगरको एक गाउँमा शुक्रवार राति उनीहरूले सो आक्रमण गरेका थिए । त्यस क्रममा आइएसले कम्तीमा आठजनाको हत्या गरेको बताइएको छ ।
सो आक्रमणमा परेर अरू १० जना नराम्ररी घाइते भएका छन् । बम लागेर घाइते भएका उनीहरूलाई नजीकैको अस्पताल पु¥याइएको छ ।
उक्त नगरको अल्बु जिल्ली भन्ने स्थानमा आइएसले यस अघि पनि आक्रमण गरी कैयौं गाउँलेको ज्यान लिएका थिए ।
उक्त गाउँस्थित सुरक्षा जाँच चौकीमा पनि उनीहरूले हमला गर्दा केही व्यक्ति घाइते भएको बताइएको छ । रासस
