प्रस, परवानीपुर, ११ साउन/
जंगली हात्तीको आक्रमणमा परी प्रदेश २ को सर्लाही जिल्लामा फेरी एक जनाको ज्यान गएको छ ।ज्यान जानेमा हरिवन नपा–४ की ६२ वर्षीया तेतरी खातुन रहेकी छन् ।उनको आज विहान २ बजेको समयमा हात्तीले आक्राण गरी गम्भीर घाइते बनाएको थियो ।
गाउँँकै आभाष रायको घरमा विवाह रहेको र विवाह हेर्न जाने क्रममा बाटोमा जंगली हात्तीले अचानक आक्रामण गरेको थियो ।गम्भीर घाइते भएकी खातुनलाई थप उपचारको लागि वीरगंजस्थ्ति नेशनल मेडिकल अस्पतालमा लैजाने क्रममा बाटोमा उनको मृत्यु भएको जिल्ला प्रहरी कार्यालय सर्लाहीले जनाएको छ । सर्लाही प्रहरीका प्रवक्ता डिएसपी माधवप्रसाद बुढाथोकीका अनुसार सर्लाहीमा थप एक जना हात्तीको आक्राणमा परी घाइते भएका छन् ।बाग्मती नगरपालिका–४ रेल्वे नजिकै हात्तीले आक्रमण गर्दा ३५ बर्षीय पुरूष घाइते भएका छन् ।
उनको खनाखत हुन बाँकी रहेको र उनको हरिवनमा प्रारम्भिक उपचार गरी वीरगंजको नारायणी अस्पतालमा पठाइएको छ ।
