प्रस, वीरगंज, १० साउन/
लायन्स क्लब अफ वीरगंजले शनिवार छिपहरमाई गाउँपालिकामा वृक्षारोपण गरेको छ ।
वडा नं ४ स्थित बन्जारी स्कूल, प्रहरी चौकी, सशस्त्र प्रहरी ब्यारेक, छिपहरमाई मन्दिर, तुलसीबर्वा स्कूल र ईदगाहमा विभिन्न प्रजातिका दुर्ई हजार बिरुवा रोपण गरिएको लायन्स क्लब अफ वीरगंजका अध्यक्ष छेडुप लामाले बताए ।
वृक्षारोपण कार्यक्रममा जीतेन्द्रकुमार कर्ण, प्रअ चित्रविक्रम शाह, प्रभु गिरीलगायतले मन्तव्य व्यक्त गरेका थिए ।
लामाको अध्यक्षतामा भएको कार्यक्रममा वडाध्यक्ष रामबालक गद्दी राउत, लायन्सका बलराम श्रेष्ठ, चित्रविक्रम शाह, प्रभु गिरी, सरिता खड्गी, भगवती सिग्देल, जीतेन्द्रकुमार कर्ण, गणेश यादव, रामेश्वर महतो, सशस्त्र प्रहरी शैलेन्द्र चौरसिया, पप्पु श्रीवस्तव, सुमित भङ्गरलगायतले वृक्षारोपण गरेका थिए ।
