पोखरीमा डुबेर बालकको मृत्यु

प्रस, सप्तरी, ४ साउन

पोखरीमा डुबेर सोमवार सप्तरीमा एकजना बालकको ज्यान गएको छ । जिल्लाको महदेवा गाउँँपालिका वडा नं ४ बलियामा बालकको मृत्यु भएको हो ।

स्थानीय मोहम्मद मुस्ताकका सात वर्षीय छोरा मोहम्मद इजराइलको पोखरीमा नुहाउने क्रममा डुबेर मृत्यु भएको प्रहरीले जनाएको छ ।

सोही स्थानका लक्ष्मीनारायण मठको स्वामित्वमा रहेको पोखरीमा सोमवार बिहान नुहाउने क्रममा बालकको डुबेर मृत्यु भएको हो । घटनाबारे अनुसन्धान भइरहेको जिल्ला प्रहरी कार्यालय सप्तरीले जनाएको छ ।