प्रस, पचगावाँ, ३१ असार/
पटेर्वासुगौली गाउँपालिका–४ वनदेवी आधारभूत विद्यालय, भतौडामा ५५ जना केटाकेटीलाई भर्ना गरिएको छ ।
शिक्षा विज्ञान तथा प्रविधि मन्त्रालय र गाउँपालिकाको निर्देशनमा विद्यालय भर्ना अभियान अन्तर्गत विद्यालय बाहिर रहेका वडाका ५५ जना बालबालिकालाई भर्ना गरिएको हो ।
यस अघि वडाको भतौडा, गदियानी, पथलवाघाट, मुसहर बस्तीमा शिक्षक, कर्मचारी घरघर पुगेर दलित, विपन्न, गरीब समुदायका बालबालिका विद्यालय गए–नगए विषयमा अनुगमन गरेका थिए ।
यसैगरी विद्यालय नगएका बालबालिकाका अभिभावकलाई विद्यालय भर्ना गर्न उत्प्रेरित गरिएको र ५५ जनालाई आज भर्ना गरिएको विद्यालयका प्रअ सुभाषदास थारूले बताए ।
