प्रस, वीरगंज, ३१ असार/
प्रदेश २ छिन्नमस्तावाहिनी बर्दीवासका सशस्त्र प्रहरी नायब महानिरीक्षक चन्द्रप्रकाश गौतमले सशस्त्र प्रहरी १३ नं. गण पर्साले निर्माण गरेको सर्वेश्वरी दुर्गा मन्दिरको उद्घाटन गरे ।
सप्रउ राजेन्द्र खड्काको अध्यक्षतामा सम्पन्न उद्घाटन समारोहमा पर्साका प्रजिअ पीताम्बर घिमिरे, प्राविधिक तालीम शिक्षालय, पथलैयाका सशस्त्र प्रहरी वरिष्ठ उपरीक्षक लक्ष्मणबहादुर सिंह, वीउवासङ्घका पूर्व अध्यक्ष अशोक बैद, उपाध्यक्ष हरि गौतम, मोहन राजपाल, प्रउ बेलबहादुर पाण्डेलगायतको सहभागिता थियो ।
मन्दिर निर्माण समितिका संयोजक सञ्जय अग्रवालले रु १३ लाखको लागतमा मन्दिर निर्माण भएको बताए । यस अघि, हिजो सोही गणमा २५ लाखमा निर्मित अतिथि कक्षको उद्घाटन भएको थियो । कार्यक्रमको सहजीकरण सप्रनि सुवर्णबहादुर बमले गरेका थिए ।
