प्रस, पंचगावाँ, २८ असार/
बहुदरमाई नगरपालिकामा एकजना वृद्धको माछापोखरीमा डुबेर मृत्यु भएको छ । आइतवार राति बहुदरमाई नपा–६ गम्हरिया निवासी ६५ वर्षीय नगिना साह कानू शौच गर्न माछापोखरीनजीकै गएका बेला डुबेर मृत्यु भएको प्रहरीले जनाएको छ ।
शौच गर्न गएका कानू घर नफर्केपछि उनको खोजी भएको र माछापोखरीमा डुबेर मरेको अवस्थामा शव बरामद भएको इप्रका पोखरियाका प्रहरी निरीक्षक दीपक थापाले बताए ।
उनले प्रारम्भिक अनुसन्धानबाट कानूको मृत्यु पोखरीमा डुबेर भएपनि सो सम्बन्धमा अनुसन्धान भइरहेको बताएका छन् । शल्यपरीक्षण रिपोर्टपछि मृत्युको तथ्य खुल्ने उनले बताए ।
