टोकियो, २८ असार/एएफपी
जापानी गाडी निर्माता मित्सुबिसी मोटर्सले यस वर्षको शुरूमा उत्सर्जन जालसाजी गरेको भनी जर्मन अभियोजकहरूले लगाएको अभियोगका लागि दुई करोड ५० लाख युरो जरिवाना तिरेको जनाएको छ ।
जापानी गाडी निर्माता यस कम्पनीले यो कुराको पुष्टि सोमवार गरेको हो । जर्मन अधिकारीहरूले गत वर्ष मित्सुबिसी कारहरू संलग्न भएको संदिग्ध डिजेल उत्सर्जनको अनुसन्धानको भागको रूपमा १० वटा स्थलहरूमा छापा मारेका थिए ।
मित्सुबिसी मोटर्सले सोमवार फ्रान्कफर्ट अभियोजन कार्यालयले मार्चको अन्तिम साता दुर्ई करोड ५० लाख युरो जरिवाना सूचना जारी गरेको जनाएको छ । फर्मका प्रवक्ताले भने, “हामीले राम्रो जानकारीको विरुद्ध अपील भने गरेका छैनौं ‘जरिवाना रकम’ मार्चको अन्त्य पहिल्यै भुक्तान गरिएको थियो ।”
उत्सर्जन उल्लङ्घनहरू ‘जानाजानी वा इच्छापूर्वक गरिएको थियो’ भन्ने विषयमा आदेशले त्यस्तो कुनै प्रमाण फेला नपारेको तथा कुनै जालसाजी व्यवहारको पहिचान नभएको उनले बताए । ब्लुमबर्ग न्यूजले यसैबीच फ्रान्कफर्ट अभियोजन पक्षका एक प्रवक्तालाई उल्लेख गर्दै जरिवाना तिरेको अभियोगमा अनुसन्धान समाप्त भएको उल्लेख गरेको छ ।
मुद्दालाई मार्चमा अन्त्य गरिएको थियो तर यसलाई सोमवार पहिले खुलासा नगरिएको ब्लूमबर्गले लेखेको छ । यस छानबिनले १.६ र २.२ लिटर इन्जिनसहितका मित्सुबिसी डिजल गाडीको ध्यान केन्द्रित गरेको छ । ती गाडीहरूलाई उत्सर्जन मापदण्डको पालनाका आधारमा जर्मनीको उच्चतम युरो–५ र युरो–६ गुणस्तर दर प्राप्त गरेको थियो ।
अभियोजकहरूले इन्जिनहरू तथाकथित ‘शटडाउन’ उपकरणद्वारा बनेका छन् ताकि उनीहरूको ल्याब परीक्षणहरूमा उनीहरू सडकमा भन्दा कम प्रदूषणकारी देखा पर्दछन् । सन् २०१५ मा फोक्सवेगन समूहको प्रदूषण परीक्षणको लागि ११ करोड गाडीमा सफ्टवेयर स्थापना गर्न स्वीकार गरेको ‘डिजेलगेट’ घोटालामा मित्सुबिसीको अनुसन्धान मात्र एउटा यस्तो कदम थियो । रासस
