लागोस, २२ असाररसिन्ह्वा
नाइजेरियाको एक विद्यालयबाट अपहरणमा परेका २७ जना बालबालिकालाई सकुशल अपहरणमुक्त गरिएको छ । नाइजेरियाको उत्तरपश्चिमी प्रान्त कादुनाबाट अपहरणमा परेका ती बालबालिकालाई प्रहरीले अपहरणमुक्त गरेको बताएको छ ।
प्रहरीले दिएको जानकारी अनुसार नाइजेरियाको दामिसी नगरको एक विद्यालयबाट अपहरणमा परेका उनीहरूलाई मुक्त गरिएको हो । सो विद्यालयबाट उनीहरूलाई सोमवार अज्ञात व्यक्तिहरूले अपहरण गरेका थिए । साथै त्यहाँबाट अरू पनि कैयौं विद्यार्थी अपहरणमा परेका थिए ।
उनीहरूलाई अपहरण गर्ने योजनाका साथ ती अज्ञात व्यक्तिहरू हतियारसहित पुगेका थिए । उनीहरूले सो विद्यालयका सुुरक्षा गार्डलाई गोली प्रहार गरेर विद्यालयभित्र छिरेका र अपहरण गरेका थिए ।
छात्रवासमा रहेका विद्यार्थीलाई अपहरण गरिएको प्रहरीले जनाएको छ । बाँकी विद्यार्थीलाई पनि अपहरणमुक्त गराउनका लागि प्रहरीले प्रयास गरिरहेको जनाएको छ । रासस
