प्रस, वीरगंज, २१ असार/
गिरिजाप्रसाद कोइराला फाउन्डेशन, पर्साको आयोजनामा सोमवार सम्पन्न रक्तदान कार्यक्रममा एकजना महिलासहित ५९ जनाले रक्तदान गरेका छन् ।
फाउन्डेशनका पर्सा अध्यक्ष महम्मद सहाबुद्दीनको अध्यक्षतामा भएको थियो रक्तदान कार्यक्रमको उद्घाटन उपप्रमुख शान्ति कार्कीले गरेकी थिइन् ।
रक्तदान कार्यक्रममा नेजमा बेगम, श्याम बैठा, मुन्ना साह, नुरुल हक मियाँ, सुरेश श्रीवास्तव, कासिम अन्सारी, योगेश बेरिवाल, कुमार कट्टेल, बलिराम प्रसाद र मुन्ना कुमारलगायतले रक्तदान गरेको रक्तसञ्चार केन्द्रकी मोबाइल इन्चार्ज डिल्लीमाया घिमिरले बताइन् ।
फाउन्डेशनले नेपाली काङ्ग्रेसका पूर्वसभापति एवं पूर्वप्रधानमन्त्री स्व कोइरालाको ९७ औं जन्मजयन्तीको अवसरमा रक्तदान कार्यक्रम गरेको फाउन्डेशनका सदस्य दिलीपराज कार्कीले बताए ।
