हात्तीको आक्रमणबाट एकजनाको मृत्यु

प्रस, वीरगंज, १८ असार/

कलैया उपमहानगरपालिकामा जङ्गली हात्तीको आक्रमणबाट एकजनाको मृत्यु भएको छ ।

जङ्गल क्षेत्रदेखि १५ किलोमिटरको दूरीमा रहेको कलैया उपमहानगर–२ औधापुरस्थित खेतमा काम गरिरहेका ४५ वर्षीय रामदेव पटेलको जङ्गली हात्तीको आक्रमणबाट मृत्यु भएको बारा प्रहरीका प्रवक्ता प्रहरी नायब उपरीक्षक गौतम मिश्रले बताए ।

उनले आज बिहान ७ः४५ बजे हात्तीको आक्रमणबाट घाइते पटेललाई उपचारको लागि कलैया अस्पताल लैजाने क्रममा बाटोमा मृत्यु भएको बताए ।