प्रस, विन्ध्यवासिनी, १८ असार/
विन्ध्यवासिनी गाउँपालिका–५ प्रसौनीमा स्वास्थ्य चौकी भवनको उपाध्यक्ष किरण देवीले उद्घाटन गरेकी छन् । रु ३ लाख लागतमा प्रसौनीस्थित पुरानो विद्यालय भवनलाई मरम्मत सम्भार गरेर स्वास्थ्य चौकी निर्माण गरिएको हो । कार्यक्रममा उपाध्यक्ष किरण देवीले सोही वडाको बडसर्वामा स्वास्थ्य चौकी रहे पनि प्रसौनीबाट तीन किलोमिटर टाढा भएकोले अर्को स्वास्थ्य चौकीको स्थापना गरी प्रसौनीवासीलाई सहज बनाएको बताइन् ।
उनले स्वास्थ्य चौकी निर्माणपछि प्रसौनीवासीलाई उपचारको लागि टाढा जानुनपर्ने बताइन् । स्वास्थ्य चौकी निर्माणसँगै रु ४ लाखबराबरको औषधि उपलब्ध गराइएको उनले जानकारी गराइन् ।
कार्यक्रममा वडाउपाध्यक्ष सुकदेवराउत अहिर, स्वास्थ्य संयोजक नरेश चौहान, स्थानीय समाजसेवी बबलु गुप्तालगायतको सहभागिता थियो ।
