प्रस, वीरगंज, १६ असार
वीरगंज महानगरपालिका–८ वडा कार्यालयले बुधवार वडाका १८ जना एकल पुरुष ९ विधुर०लाई सम्मान गरेको छ। वीरगंज महानगरमा पहिलोपटक एकल पुरुषलाई सम्मान गरिएकोमा कार्यक्रमका प्रमुख अतिथि नगरप्रमुख विजयकुमार सरावगीले खुशी व्यक्त गरे ।
उनले वडाका एकल पुरुषलाई सम्मान गरेर वडापालिकाले उदाहरणीय काम गरेको भन्दै यसलाई महानगरपालिकाका अन्य वडामा पनि निरन्तरता दिइने प्रतिबद्धता जाहेर गरे। वडाध्यक्ष राजकिशोर गुप्ताको अध्यक्षतामा भएको कार्यक्रममा सम्मानित हुने एकल पुरुष मदनप्रसाद गुप्ताले नौलो अनुभूति भएको प्रतिक्रिया दिए ।
उनले अहिलेसम्म समाजमा एकल महिला मात्र सम्मानित हुँदै आएकोमा वडापालिकाले उदाहरणीय काम गरेको बताए। १८ जना एकल पुरूषलाई नगद, फूलमालासहित सम्मानित गरिएको थियो। कार्यक्रममा वीरगंज पब्लिक कलेजका निर्देशक डा दीपक शाक्य, एमाले पर्साका अध्यक्ष प्रभु हजरालगायतले मन्तव्य व्यक्त गरेका थिए। कार्यक्रमको सहजीकरण वंशीधर गुप्ताले गरेका थिए।
