प्रस, पंचगावाँ, १५ असार/
इलाका प्रहरी कार्यालय, पटेर्वासुगौलीको टोलीले ४० किलो गाँजासहित दुईजनालाई पक्राउ गरेको छ। सोमवार राति ११ बजे मकवानपुरको लोथर–मनहरीबाट जड्डलको बाटो हुँदै गाँजा तस्करी भइरहेको सूचनाको आधारमा प्रहरी गस्ती खटाइएको र सो टोलीले ४० किलो गाँजासहित दुईजनालाई पक्राउ गरेको इप्रका पटेर्वासुगौलीका प्रहरी निरीक्षक रामकाजी थापाले बताए ।
पर्साको राष्ट्रिय निकुञ्ज भएर आएका गाँजा तस्करलाई पटेर्वासुगौली गापा–२ गादीस्थित स्वास्थ्य चौकीनजीकबाट पक्राउ गरिएको प्रनि थापाले बताए।
पक्राउ पर्नेमा मकवानपुरको राक्सीराङ गापा–५ बस्ने २९ वर्षीय वीरबहादुर प्रजा र १९ वर्षीय सोनालाल प्रजा छन्। पक्राउ परेका दुवैजना र गाँजालाई आवश्यक कारबाईको लागि जिप्रका पर्सा पठाइएको प्रनि थापाले बताए।
