चल्ला नष्ट

प्रस, पंचगावाँ, १० असार/
सशस्त्र प्रहरी बल सुरक्षा बेस बागेश्वरी तित्रौनाले भारतबाट भिœयाइएको कुखुराको चल्ला र मोटरसाइकल बरामद गरेको छ।

सशस्त्र प्रहरी निरीक्षक राम थापामगर नेतृत्वको टोलीले ना.१८प ५४७० नम्बरको मोटरसाइकल र सोमा लोड गरिएको २ हजार ४० वटा कुखुराको चल्ला बरामद गरेको थियो। बरामद चल्ला क्वारेन्टाइन प्रतिनिधि, स्थानीय जनप्रतिनिधि, नेपाल प्रहरीको रोहबरमा नष्ट गरिएको र मोटरसाइकल वीरगंज भन्सार कार्यालय पठाइएको सप्रनि थापामगरले बताए।