प्रस, सिराहा, ९ असार/
सिराहाको कर्जन्हा नगरपालिका वडा नं १० प्रयागपुरस्थित पूर्व–पश्चिम राजमार्गमा गुडिरहेको टिपरमा आगलागी भएको छ ।
बुधवार बिहान गुडिरहेको टिपरमा अचानक आगलागी भएपछि टिपरका चालकले हाम फालेर ज्यान जोगाएका थिए ।
इँटा बोकेर पश्चिमबाट पूर्वतर्फ गइरहेको ना.१क ५५५१ नंको टिपरमा आगलागी भएको र आगलागीबाट टिपर जलेर पूर्णरूपमा नष्ट भएको ट्राफिक प्रहरीले जनाएको छ ।
समयमा आगो निभाउन नसक्दा टिपर पूर्णरूपमा नष्ट भएको स्थानीयको भनाइ छ । घटना अनौठो भएकोले सोबारे अनुसन्धान भइरहेको इलाका प्रहरी कार्यालय मिर्चैयाका प्रहरी नायब उपरीक्षक राजेन्द्र श्रेष्ठले जानकारी दिए ।
