लायन्स क्लबद्वारा फेसशिल्ड हस्तान्तरण

प्रस, वीरगंज, २८ जेठ/

लियो र लायन्स क्लब अफ वीरगंजको आयोजनामा वीरगंज महानगरपालिका, जिल्ला ट्राफिक प्रहरी कार्यालय, पर्सा र वीरगंज कारागारलाई फेसशिल्ड हस्तान्तरण गरिएको छ।

हस्तान्तरण कार्यक्रममा वीरगंज महानगरका प्रमुख विजयकुमार सरावगीलाई ३ सय थान, ट्राफिक प्रहरी निरीक्षक सुमन कार्कीलाई एक सय थान र वीरगंज कारागारमा एक सय थान फेसशिल्डसहित दुईवटा अक्सिजन सिलिन्डर पनि हस्तान्तरण गरिएको थियो।