प्रस, जनकपुरधाम, २२ जेठ/
रोकिराखेको ट्याक्टरमा मोटरसाइकल ठोक्किंदा एकजना नेपाली सेनाका जवानको मृत्यु भएको छ भने एकजना घाइते भएका छन् ।
बितेको राति पूर्व-पश्चिम राजमार्ग अन्तर्गत गणेशमान चारनाथ नगरपालिकाको पोर्ताहा सडकखण्डमा बिग्रेर रोकिराखेको ना.४त १६८२ नंको ट्याक्टरमा पूर्व दिशाबाट आएको रा.६प २८६३ नंको मोटरसाइकल ठोक्किंदा मोटरसाइकलमा सवार भीमदल गण सप्तरीमा कार्यरत नेपाली सेनाका जवान २४ वर्षीय नरेन्द्र गिरीको मृत्यु भएको हो ।
मोटरसाइकलमा पछाडि सवार तनहुँ घर भई शेरगंज गण सिराहामा कार्यरत २५ वर्षीय जीवन तामाङ सामान्य घाइते भएको इलाका प्रहरी कार्यालय ढल्केबरका प्रहरी निरीक्षण प्रदीप सुवेदीले जानकारी दिए ।
